Zbardhen detaje nga hetimet për vrasjen e 20-vjeçarit Johan Zuko në Korçë nga shoku i tij i fëmijërisë, Kristjan Sterjo.
Autori ka dhënë dëshminë e tij përpara grupit hetimor lidhur me motivin e ngjarjes së rëndë.
Sipas dëshmisë, konflikti mes dy të rinjve lidhej me disa episode të mëparshme, ndërsa shkaku që ka çuar në përshkallëzimin e situatës ka qenë “ngacmimi i të dashurës” së autorit.
Hetuesit po marrin në konsideratë edhe përplasjet e mëparshme mes dy të rinjve për motive të dobëta, tip debatesh se kush ishte “më i forti” i lagjes.
Sipas të dhënave të deritanishme nga hetimi, autori i dyshuar dhe viktima ishin konfliktuar verbalisht disa ditë përpara ngjarjes. Ditën e ngjarjes i riu ka marrë armën dhe ka shkuar në ndjekje të mikut të tij 20-vjeçar, derisa e ka vrarë.
Sterjo u largua nga vendi i ngjarjes dhe u arrestua rreth 6 orë më vonë nga forcat e policisë në afërsi të banesës, në një zonë në afërsi të varrezave të qytetit.
j.l./ dita
Ne kete krim makaber mes dy te rinjeve bashkemoshatar tregon:1.Korca e ka humbur qytetarine.2.Shteti fle gjyme deri sa korcaret te vrasin njari-tjatrin!?
Korca historikisht ka qene qytet me grupe gangestersh te njohur, grupi i çobenjve,grupi i 5 dyqaneve grupi i Radanecit,grupi shurr -upi e keshtu me rradhe.
Qytetaria korcare nuk ka ze dhe fuqi te ndryshoje kete realitet.