Një vrasje me armë zjarri ka tronditur mesditën e sotme qytetin e Fierit, ku viktimë mbeti 41-vjeçari, Elton Javori.
Një prej banorëve të lagjes “16 prilli”, ku ndodhi edhe ekzekutimi ka folur për mediat.
Ai tha se i ndjeri banonte 100 metra larg vendit ku mbeti i vrarë.
Banori shprehet se në momentin që dëgjoi krismat doli me shpejtësi nga kafja ku po hynte.
“Ka qenë djalë i mrekullueshëm, i edukuar dhe i sjellshëm. Nga i erdhi, Zoti e di. Nuk dëgjova krisma armësh. Ky ka nënën dhe babanë këtu. Vëllezërit i ka në Gjermani. Sa dola nga shtëpia, u futa të pija kafe, dola me vrap”, u shpreh banori.
j.l./ dita
