Gjykata e Lezhës ka dënuar me burgim të përjetshëm vrasësin me pagesë Dorjan Keqi, i cili ishte nën akuze si bashkëpunëtor në vrasjen e ish-drejtorit të Tensionit të Lartë për Veriun, Saimir Jaku, ngjarje e ndodhur në vitin 2016-të në Rrëshen.
42-vjeçari nga Kruja me banim në Kurbin, u gjet fajtor për veprat penale “Vrasja në rrethana të tjera cilësuese” e kryer në bashkëpunim dhe “Armëmbajtja pa leje”.
Keqi ka mohuar në vazhdimësi të ketë lidhje me krimin, duke refuzuar që të bëhet dhe bashkëpunëtor i drejtësisë në këmbim të lehtësimit të pozitave penale. Gjithsesi, mësohet se hetimet nuk kanë zbuluar financuesin e këtij atentati.
42-vjeçari u arrestua në shtator të vitit 2022, pasi u kap duke drejtuar mjetin pa patente dhe në gjendje të dehur. Nga shenjat e gishtërinjve u zbulua se ai ka marrë pjesë në vrasjen e Saimir Jakut, në bashkëpunim edhe me persona të tjera të cilat nuk janë arritur ende të identifikohen.
j.l./ dita
Te gjendet edhe financuesi i atentatit, i cili meriton 2 here burg te perjetshem.
Ndoshta e kemi mes nesh dhe ben edhe si burre i mire. 👹👹
Zero tolerim per ate qe vret, denimi te dyfishohet.
Trefish per financuesin.
Ne te kundert nuk merre fund ky fenomen.
Ky që nga mbiemri duket që eshte rob i keq