Presidenti i SHBA Joe Biden ka urdhëruar që flamujt të ulen në gjysmë shtizë deri më 10 korrik, në shenjë nderimi për Shinzo Abe, ish-kryeministrin japonez i cili u qëllua për vdekje ndërsa mbante një fjalim sot.
“Abe ishte një shërbëtor krenar i popullit japonez dhe një mik besnik i Shteteve të Bashkuara”, tha presidenti amerikan në deklaratën e tij. “Edhe kur u sulmua dhe u vra, ai u angazhua në punën demokratike, të cilës i kushtoi jetën”, shtoi ai.
Biden planifikon të vizitojë më vonë ambasadën japoneze në Uashington për të nënshkruar librin e ngushëllimeve.
Ai tha gjithashtu se ishte përpjekur të kontaktonte kryeministrin japonez Fumio Kishida, të cilin ai e quajti shumë të qëndrueshëm, duke shtuar se Japonia është gjithashtu “një aleat shumë i qëndrueshëm”.
Më herët, Biden shprehu tronditjen e tij për vrasjen e sotme fatale të ish-kryeministrit japonez Shinzo Abe, duke e quajtur atë një kampion të aleancës SHBA-Japoni që kujdeset thellë për popullin japonez dhe demokracinë.
“Jam i tronditur, i indinjuar dhe thellësisht i pikëlluar nga lajmi se miku im Shinzo Abe, ish-kryeministër i Japonisë, është qëlluar dhe vrarë gjatë një fushate zgjedhore. Kjo është një tragjedi për Japoninë dhe për të gjithë ata që e njohën atë”, tha Biden në një deklaratë.
j.l./ dita
