Saimir Sadiku, 40 vjeç, i cili akuzohet për vrasjen e 24-vjeçarit Adrian Pepkolaj është vetëdorëzuar në policinë e Tiranës. Ngjarja e rëndë ndodhi më 11 korrik në fshatin Breg-Lumë në Tropojë. Si pasojë e një sherri banal u vra 24-vjeçari dhe mbetën të plagosur dy persona.
Viktima ndodhej së bashku me vëllain dhe shokun e tij në një lokal në Fierzë, ku për motive të dobta kanë debatuar me 40-vjeçarin Sadiku.
U plagos me thikë, vdes i riu! 24-vjeçari u qëllua gjatë një konflikti mes disa personave në Tropojë
Ky i fundit më pas ka nxjerrë thikën dhe i ka plagosur të tre. Por pas transportimit në spital, 24-vjeçari nuk arriti tu mbijetonte plagëve të marra dhe ndërroi jetë, ndërsa vëllai dhe shoku morën ndihmën mjekësore në spital.
“Tropojë
Vihet në pranga shtetasi S. S., i akuzuar për vrasjen e një 24-vjeçari, më datë 11.07.2024, në një lokal në fshatin Breg-Lumë.
Pas kontrolleve të shumta të kryera nga Policia e Tiranës dhe negociatave, ky shtetas është vetëdorëzuar në DVP Tiranë.
Një ditë pas ngjarjes, Policia arrestoi 5 shtetas që përkrahën shtetasin S. S., pas vrasjes me mjete prerëse të 24-vjeçarit dhe të plagosjes së dy shtetasve të tjerë.
Specialistët për Hetimin e Krimeve të Rënda të DVP Kukës ekzekutuan masën e sigurisë “Arrest në burg”, për shtetasin në kërkim S. S., 40 vjeç, banues në Fierzë, caktuar nga Gjykata e Shkallës së Parë Kukës, më datë 14.07.2024, për veprën penale “Vrasja me dashje”.
Shtetasi S. S. akuzohet se më datë 11.07.2024, rreth orës 17:00, në një lokal në fshatin Breg-Lumë, plagosi me mjete prerëse, shtetasit V. P., 32 vjeç, Sh. K., 45 vjeç, si dhe vëllanë e shtetasit V. P., shtetasin A. P., 24 vjeç, i cili si pasojë e plagëve, humbi jetën në spital.
Materialet procedurale shtesë i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës”, thuhet në njoftim.
i.b./dita
