Një vrasje me armë zjarri ka ndodhur në qytetin e Vlorës. Renato Hoxhaj, 58 vjeç, është gjetur i vrarë me armë zjarri në vendin e tij të punës.
Ai punonte si roje në një objekt ndërtimi pranë banesës së tij në lagjen “Hajro Çakërri”.
Viktima është qëlluar me tre plumba, dy në kokë dhe një në gjoks. Renato Hoxhaj, nuk kishte precedentë penalë, ndërsa njihej në zonë si një person i qetë dhe jo problematik. Ai jetonte i vetëm pasi ishte divorcuar nga gruaja pak kohë më parë.
Ndërkohë policia vijon me hetimet për zbardhjen e rrethanave të ngjarjes dhe identifikimin e kapjen e autorëve.
Sipas informacioneve grupi hetimor ka nisur me kontrollin e kamerave të sigurisë në zonën ku ndodhi vrasja për të zbuluar lëvizjet e autorëve.
Njoftimi i Policisë:
Rreth orës 06:00, në lagjen “Hajro Çakërri”, në rrugë, në afërsi të banesës së tij, është gjetur pa shenja jete, dyshohet i vrarë me armë zjarri, një 58 vjeçar, i cili ishte i punësuar dhe si roje në një objekt në ndërtim pranë banesës së tij.
Është ngritur një grup i posaçëm hetimor dhe, nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.
j.l./ dita
