Kryetari i Komisionit për Punë të Jashtme të Senatit të Shteteve të Bashkuara, Robert Menendez, ka kritikuar ashpër sot presidentin e Serbisë, Aleksandar Vuçiç. Menendez kryesoi seancën dëgjimore të zyrtarëve të Departamentit Amerikan të Punëve të Jashtme, Derek Chollet dhe Gabriel Escobarit mbi situatën në Ballkanin Perëndimor (Kosovë, Shqipëri, Bosnjë dhe Hercegovinë, Serbi, Mal të Zi dhe Maqedoni të Veriut).
Në fjalën hyrëse për negociatat ndërmjet Kosovës dhe Serbisë, ai tha se nuk beson se të gjithë aktorët po veprojnë njëlloj në mirëbesim, ndërsa deklaroi se “Vuçiç po u thotë diçka tjetër liderëve perëndimorë ndërsa një gjë tjetër popullit serb përmes mediave të kontrolluara nga shteti”. Për 69-vjeçarin, ka një ngjashmëri mes retorikës së liderit serb dhe asaj të presidentit rus, Vladimir Putin.
“Duke kontrolluar informacionin dhe minuar shoqërinë civile, Vuçiç vazhdon të shtyjë narrativën kombëtare serbe për kombin e madh serb, i cili i ngjan vizionit të Putinit për një Rusi të madhe”, theksoi ai.
m.b./dita
