Sipas ish-ministrit të Jashtëm Ditmir Bushati, Perëndimi ka tre objektiva në raport me Serbinë, që të kufizojë influencën kineze dhe ruse, të njohë Kosovën dhe të garantojë integritetin e Bosnjë-Hercegovinës.
Duke iu referuar takimit të sotëm në Bruksel me Kurtin, Bushati tha se Vuçiç po merr kohë , por vetëm ai mund të jetë i vetmi politikan serb që mund të angazhohet për ta zgjidhur këtë çështje.
“Po kaq paradoksalisht është e vërtet që Vuçiç mund të jetë i vetmi njeri sot për sot në skenën politike të Serbisë që mund të angazhohet për të zgjidhur këtë çështje ndonëse e kam të vështirë ta besoj që është i gatshëm ta zgjidhë përfundimisht.
Pse e kam të vështirë se shoh mënyrën sesi kultivohet opinion publik në Serbi nga ana e tij. Të gjitha sondazhet tregojnë se Kosova vjen si çështja e 7, për nga prioritetet për popullin serb. Prioriteti nr 1 është papunësia, korrupsioni etj.
Nuk rankohet Kosova në një nga çështjet kryesore. Nuk jam i bindur që shumica e popullsisë serbe janë të gatshëm për të shkuar për të derdhur gjak larg qoftë në Kosovë. Për eshtabilshmentin, Kosova është çështje e humbur, tani jemi në fushën e pazarit që Vuçiç kërkon të kapitalizojë me shpresën për të defunksionalizuar sa më shumë shtetësinë e Kosovës dhe funksionimin normal të trupit të një shoqërie”- tha Bushati për Top Story.
