Policia ka reaguar për sherrin e ndodhur mes disa personave te zyra e Partisë Social Demokrate në zonën e Ali Demit në Tiranë.
Përmes një njoftimi, Policia bën të ditur se nga këqyrja e vendit të ngjarjes, janë konstatuar dy fishekë luftarak.
Po ashtu, në njoftim bëhet e ditur se gjatë këqyrjes së vendit të ngjarjes, është konstatuar i dëmtuar, dyshohet me sende të forta xhami i zyrës së subjektit elektoral.
Personat e përfshirë në sherr janë larguar nga vendi i ngjarjes me automjet, ndërkohë që vijojnë hetimet për zbardhjen e motivit të konfliktit dhe dokumentimin e plotë të ngjarjes.
Njoftimi i Policisë:
Tiranë/Informacion paraprak
Rreth orës 14:00, në sallën operative të DVP Tiranë ka ardhur një telefonatë se në rrugën “Ali Demi” kishte një konflikt midis disa shtetasish, në ambientet e një zyre elektorale.
Gjatë këqyrjes së vendit të ngjarjes, është konstatuar i dëmtuar dyshohet me sende të forta xhami i zyrës së subjektit elektoral.
Po nga këqyrja e vendit të ngjarjes, janë konstatuar dy fishekë luftarak.
Menjëherë në vendin e ngjarjes, kanë shkuar forca të shumta policie dhe grupi hetimor. Vijon puna për identifikimin dhe kapjen e shtetasve të përfshirë në konflikt, të cilët janë larguar nga vendi i ngjarjes me një automjet.
Në drejtimin e Prokurorisë vijon puna për zbardhjen e motivit të konfliktit dhe dokumentimin e rrethanave të rastit.
i.b./dita
