Shtatë fëmijë të kopshtit nr. 10 në Vlorë dyshohet se janë helmuar nga ushqimi, pasi kanë shfaqur simptoma me dhimbje barku dhe të vjella të vazhdueshme.
Fëmijët janë paraqitur në pediatrinë e Vlorës, ku kanë marrë ndihmën mjekësore. Pesë prej tyre janë shtruar në spital dhe vijojnë të jenë nën kujdesin e mjekëve.
Ndërkohë, Instituti i Shëndetit Publik ka marrë mostrat përkatëse, ndërsa pritet përgjigjja e analizave për të përcaktuar shkakun e dyshuar të helmimit dhe nëse ai lidhet me ushqimin e konsumuar në kopsht.
j.l./ dita
