Vdekja e atletes Tori Bowie, ish-kampione olimpike në “Rio 2016”, në moshën vetëm 32-vjeçare, e ka zhytur atletikën botërore në tronditje dhe hutim. Tre herë medaliste olimpike, dy herë kampione bote dhe e konsideruar si një nga vrapuesit më të rëndësishëm të momentit, humbja e saj ka bërë që të tronditen të gjithë edhe pas fakteve më të fundit që publikoi media.
Bowie ishte të paktën shtatë muajshe shtatzënë. Sipas ‘Daily Mail’, fqinjët e atletes në lagjen ekskluzive rezidenciale ‘Winter Garden’, në Orlando, sigurojnë se ajo ishte tashmë në një gjendje të avancuar shtatzënie dhe se mezi doli nga shtëpia. Kjo, së bashku me informacionin se ajo është përjashtuar nga stërvitja pas një sherri të fortë me bahamianin Shaunae Miller-Uibo, me të cilin ndante një trajner, teksa ngjarja ka sjellë edhe spekulime me lloj-lloj teorish.
Edhe pse nuk përjashtohet plotësisht, hetimet e para nga policia e Orlandos kanë bërë me dije se nuk besojnë se bëhet fjalë për një vdekje të dhunshme, dhe frika se ka qenë më tepër një helmim nga droga që ajo ka kryer vetë. Gjendja shpirtërore që po kalonte, presioni që kishte për shkak të shtatzënisë dhe probleme të tjera personale sugjerojnë se ajo po kalonte një depresion të thellë që ka përfunduar në mënyrën më të keqe të mundshme.