Presidenti i Ukrainës, Volodymyr Zelensky, kërkoi të mërkurën gjatë një takimi me liderët britanikë që Ukraina të ndihmohej me avionë modernë, për të mposhtur Rusinë.
“Ne… do të bëjmë gjithçka të mundur dhe të pamundur për ta bërë botën të na sigurojë avionë modernë për të fuqizuar dhe mbrojtur pilotët që do të na mbrojnë”, u tha Zelensky qindra ligjvënësve në sallën Ëestminster të Londrës.
Ai iu referua monarkut britanik, Mbretit Charles, i cili është pilot i trajnuar i avionëve luftarakë, dhe tha se të gjithë pilotët luftarakë në Ukrainë trajtohen si mbretër, “sepse ne kemi kaq pak të tillë, prandaj ata janë shumë të çmuar për ne”.
Britania njoftoi për dërgesat e menjëhershme ushtarake, që t’i ndihmojë Ukrainës në luftën kundër forcave ruse, dhe u zotua se do të trajnojë pilotët, teksa presidenti ukrainas, Volodymyr Zelensky, u takua në Londër me kryeministrin britanik, Rishi Sunak. Por kjo nuk është pritur mirë nga Rusia.
Ambasada ruse në Britani ka kërcënuar se ky veprim do të kenë “pasoja ushtarake dhe politike për të gjithë kontinentin evropian”, sipas agjencisë së lajmeve TASS.
m.b./dita
