Prokurori i Përgjithshëm, Olsian Çela, u kërkon prokurorëve të rretheve, të marrin masa për të qenë në gatishmëri për periudhën para dhe paszgjedhore të 14 majit.
Përmes një qarkoreje, kryeprokurori Çela i kërkon drejtuesve të prokurorive dhe prokurorëve të trajtojnë më prioritet dhe në afate optimale çdo referim apo kallëzim për veprat penale që cenojnë zgjedhjet e lira.
Sipas qarkores, në rastet e kërkesave për masa sigurimi personal dhe për masat e dënimit, prokurorët duhet të bëjnë kujdes dhe të vlerësojnë ashpërsimin e kërkimeve për veprat penale në fushën e zgjedhjeve që janë më të përhapura dhe me tendencë në rritje në shkallë vendi, apo në njësitë administrative përkatëse.
Po ashtu, kryeprokurori udhëzon krijimin e një rubrike në faqen në ëeb të Prokurorisë së Përgjithshme për të ftuar qytetarët të kallëzojnë shkeljet e ligjit në lidhje me procesin zgjedhor.
m.b./dita
