Historia e Ferdinantit është një nga më të dëgjuarat në media pasi drama në familjen e tij i kapërcen kufijtë e njerëzores. Ai prej vitesh vuan problemet dhe konfliktet me fëmijët dhe bashkëshorten pasi edhe pse jeton në të njëjtën banesë me fëmijët dhe nënën e tij nuk lejohet të ketë kontakt me ta, kjo shprehet ai si pasojë e presionit te ish-gruas mbi fëmijët, informon balkanweb.
Herën e fundit në studio Ferdinanti u përball live me ish-bashkëshorten te cilën e akuzoi live për tradhti duke zbuluar mesazhe të cilat ai pretendon se i ka kapur në telefonin e saj. Por, nga ana tjetër vajza e Ferdinantit në një lidhje live akuzoi babain si personin kyç të konflikteve të kësaj martese. Ndërkohë që në kaq vite dy vajzat e çiftit kanë pasur konflikte edhe mes njëra-tjetrës pasi sipas dëshmisë së Ferdinantit vajza e madhe dhunon fizikisht vajzën e vogël. Sot në redaksinë e emisionit “Me zemër të hapur” mbërriti një telefonatë ku Ferdinanti shumë i shqetësuar shprehet se vajza e vogël është larguar nga shtëpia ka dy ditë dhe nuk di asgjë për të.
“Që prej të hënës vajza nuk ka shkuar në shkollë. Erdha në shtëpi pas pune dhe nuk e gjeta vajzën dhe ditën tjetër po ashtu. Shkova te shkolla për të pyetur. Vajzën ma kanë grabitur. Më mungon aroma e saj”, u shpreh babai i vajzës së mitur.
p.c. / dita
