Një shpërthim i fuqishëm, i shoqëruar nga një zjarr i madh, ka ndodhur në pranë portit të Sevastopolit në Krime.
“Sipas informacioneve paraprake, zjarri u shkaktua nga një sulm me dron nga forcat ukrainase”, tha në një postim në Telegram drejtuesi pro rus i Sevastopolit, Mikhail Razvozhaev.
Pak më herët, Volodymyr Zelensky, në një intervistë në televizionin finlandez Yle, u shpreh se në kundërofensivën e saj Ukraina po planifikon të rimarrë edhe gadishullin e Krimesë. “Ne shpresojmë në një kundërofensivë të suksesshme, por kjo do të varet edhe nga furnizimi me armatime nga Perëndimi”, tha Zelensky.
Në anën tjetër, ministri i Jashtëm i Rusisë, Sergei Lavrov, u shpreh se përpjekjet e Uashingtonit dhe aleatëve të tij për të izoluar Moskën po dështojnë. “Përpjekjet e Uashingtonit dhe të aleatëve të tij për të ndryshuar historinë kanë dështuar”, tha ministri rus.
o.j/dita
