Vazhdojnë evakuimet në ishullin Havai të Maui ndërsa flakët zvarriten më pranë qytetit të Kaanapali.
Deri më tani, 80 persona janë konfirmuar të vdekur në atë që është fatkeqësia natyrore më vdekjeprurëse në historinë e shtetit amerikan.
Qindra të tjerë janë raportuar të zhdukur ndaj edhe numri i viktimave pritet që të rritet.
Autoritetet kanë paralajmëruar se do të duhen shumë vite për të riparuar dëmet e shkaktuara nga zjarret në ishullin Maui. Deri më tani më shumë se 1000 ndërtesa janë shkatërruar vetëm në Lahaina.
6 strehimore në funksion në Maui për të zhvendosurit dhe zyrtarët thanë se po hartonin një plan për t’i strehuar ata në hotele dhe prona turistike me qira.
Ishulli është shtëpia e shumë njerëzve të pasur, duke përfshirë themeluesin e Amazon, Jeff Bezos. Ai dhe partnerja e tij Lauren Sanchez kanë premtuar 100 milionë dollarë (79 milionë £) për të ndihmuar viktimat e zjarrit.
Zjarret në ishullin Maui të Havait dhe Big Island filluan të martën në mbrëmje. Shkaku ende nuk dihet, por sapo u ndez, erërat e stuhisë dhe moti i thatë ndihmuan në ndezjen e flakëve.
j.l./ dita
