Situata nga zjarri në zonën e Kalasës, në Delvinë, paraqitet më e qetë në mëngjesin e kësaj të hëne, krahasuar me një ditë më parë. Forcat zjarrfikëse kanë arritur të mbajnë nën kontroll përhapjen e flakëve në këtë zonë.
Megjithatë, në disa fshatra të Himarës, konkretisht në Sasaj, Lukovë dhe Shën Vasil, zjarret vijojnë të përhapen, duke rrezikuar banesa dhe biznese lokale. Flakët ndodhen aktualisht ndodhen në kodra, por era bregdetare po ndihmon përhapjen e tyre drejt zonave të banuara.
Banorët janë larguar nga banesat, në përpjekje për të shmangur rrezikun për jetën dhe pasurinë. Deri më tani nuk raportohet për të lënduar, por dëmet materiale janë të shumtaNdërhyrje nga ajri në mëngjesin e sotëm
Mëngjesin e kësaj të hëne ka nisur dhe ndërhyrja nga ajri.
Autoritetet u bëjnë thirrje banorëve të respektojnë udhëzimet e forcave të sigurisë, të qëndrojnë larg zonave të rrezikuara dhe të raportojnë menjëherë çdo vatër zjarri të re.
j.l./ dita
