Zjarret përfshijnë dhe Francën, evakuohen mijëra turistë

Sipas mediave të huaja turistët janë larguar të tmerruar. Rreth 450 zjarrfikës janë në vendngjarje, raportojnë mediat. “Zjarri është vënë nën kontroll”, tha zyrtari i lartë rajonal Rodrigue Furcy.Zjarri shpërtheu një zonë turistike rreth 30 minuta nga Perpignon për shkak të “nxehtësisë së fortë, thatësisë dhe erërave të trazuara deri në 180 km/h”, thanë autoritetet.

Flakët deri më tani kanë shkatërruar një vend kampingu në rajonin popullor të pushimeve Pyrenees-Orientales, në jug të Francë.

Videot janë bërë virale ku tregojnë se si flakët afrohen në mënyrë të rrezikshme pranë kampeve, ku fëmijët dëgjohen duke bërtitur të tmerruar. Familjet i paketuan shpejt gjërat e tyre dhe u larguan nga vendi, teksa një shtëllungë tymi i zi kishte pushtuar qiellin.