Ekipet e huaja që po kryejnë operacion kërkim-shpëtimi në zonat e prekura nga tërmeti, kanë dhënë alarmin për situatën e krijuar pas tërmetit të 6 shkurtit.
Kanë qenë zjarrfikësit spanjollë që pas kthimit nga qyteti i Adiyaman në Turqi, rrëfejnë se autoritetet turke po i shembin banesat e dëmtuara nga tërmeti ndonëse brenda tyre ka ende njerëzit.
Një prej tyre shprehet se ka parë në disa lokalitete të shemben ndërtesa ku mund të kishte dhjetëra njerëz brenda, për të cilat dihej se kishte 180 banorë dhe se vetëm 10 prej tyre kishin shpëtuar.
Ndërkohë, Kryqi i Kuq Spanjoll po organizon dërgimin e mbi 105 tonëve ndihma humanitare drejt Turqisë dhe Sirisë. Këto materiale janë pjesë e stoqeve që Kryqi i Kuq ka përgatitur për situata emergjente në magazinat e tij në Katalonjë, Valencia, Madrid dhe Ishujt Kanarie, nga ku paketohen për t’u dërguar sa më shpejt në vendet në nevojë.
m.b./dita
