Pas një pritjeje që duket e gjatë, Real Madridi zyrtarizuar largimin e Carlo Ancelottit nga pankina në fund të sezonit aktual të La Ligës.
Në një njoftim, të publikuar në faqen e internetit të klubit, thuhet se kanë arritur një marrëveshje për t’i dhënë fund mandatit të tij si trajner i Real Madridit pikërisht këtë sezon.
Gjithashtu shprehën “mirënjohjen dhe dashurinë e tyre për dikë që është një nga legjendat e mëdha të Real Madridit dhe futbollit botëror”.
Në këtë mënyrë, i jepet një lamtumirë zyrtare një trajneri, e ardhmja e të cilit dihet prej kohësh.
Largimi i Carlo Ancelottit shënon lamtumirën e një legjende për Real Madridin. Në gjashtë vjet, strategu italian ka fituar pesëmbëdhjetë tituj.
Trajneri më i suksesshëm në historinë e klubit, Ancelotti u rikthye në Santiago Bernabeu për një periudhë të dytë në vitin 2021, pasi më parë e kishte drejtuar klubin midis viteve 2013 dhe 2015.
Megjithatë, pas një sezoni kryesisht zhgënjyes, Ancelotti dhe Real Madridi kanë vendosur të ndajnë rrugët, me ndeshjen e fundjavës kundër Real Sociedad që pritet të jetë lamtumira e tij.
“Carlo Ancelotti tani është përgjithmonë pjesë e familjes së madhe të Real Madridit. Jemi krenarë që kemi pasur një trajner që na ka ndihmuar të arrijmë kaq shumë suksese dhe që gjithashtu ka përfaqësuar vlerat e klubit tonë në një mënyrë shembullore”, tha presidenti Florentino Perez.
Ancelotti tani do të marrë përsipër detyrën e trajnerit të ekipit kombëtar brazilian, ndërsa Real Madridi do të sjellë Xabi Alonson si pasardhës të tij.
j.l./ dita
