Përgjigjen e pyetjes si mund të përkufizohen lajmet më të rëndësishme të vitit që po lemë pas, dhe çfarë do ndodhë këtë vit që sapo hyri, Reuters ia kërkoi ChatGPT-së së OpenAI dhe Bardit të Google, dy prej mjeteve më të njohura gjenerative të AI-t.
Përgjigjet e tyre, thotë agjencia e njohur e lajmeve, dëshmojnë fuqinë e inteligjencës artificiale, por nxjerrin në pah edhe të metat e saj lidhur me redaktorët njerëzorë.
ChatGPT tha se “nuk ka qasje në kohë reale në ngjarjet e tanishme, apo në internet për t’i ditur ngjarjet specifike të vitit 2023”, para se të jepte “një skenar hipotetik bazuar në trendet dhe temat e tanishme”.
Dhe ky i fundit përfshinte marrëveshjen e komunitetit global “për një sërë masash që synonte uljen e emetimeve të karbonit deri në vitin 2030”, përfundimin e suksesshëm të fazës finale të testimeve të një vaksine kundër kancerit nga shkencëtarët, dhe ndërmjetësimin e një marrëveshjeje nga Kombet e Bashkuara për t’iu dhënë fund tensioneve gjeopolitike në një rajon të paspecifikuar të botës”.
Bardi rezultoi më i saktë duke bërë një përmbledhje të lajmeve nga lufta Rusi-Ukrainë, atë çfarë ndodhi me ekonominë globale, si dhe hollësi të zhvillimeve teknologjike, përfshirë AI dhe editimin e gjeneve, por nuk përmendi luftën mes Izraelit dhe Hamasit.
Por, edhe nëse AI ende nuk e sfidon dot tërësisht nja gazetar të vërtetë, shfaqja e kësaj teknologjie në vitin 2023 premtoi një ndryshim në mënyrën se si njerëzit veprojnë.
Më 2024, prisni përparim më të madh dhe më shumë lajme për luftën e kompanive për ta mbajtur ritmin.
Por viti i ardhshëm vazhdon Reuters, do të karakterizohet nga plumbat, mes konfliktit të Izraelit dhe Hamasit që ende nuk i duket fundi, luftës në Ukrainë që nuk jep shenja ngadalësimi dhe rrezikut që Kina të tentojë pushtimin e Tajvanit.
j.l./ dita
