31 gushti është dita e 243-të e vitit në kalendarin gregorian dhe e 244-ta në vitin e brishtë. Po ashtu, sot është dita kur lindën dy nga perandorët më të famshëm të Romës: Gaius Caligula në 12 dhe Commodus në 161 .
Më 31 gusht 1867 vdiq Charles Baudelaire, një poet francez dhe në 1986, Henry Moore, një skulptor anglez.
Më 31 gusht 1997, në një aksident automobilistik në Paris, Diana, Princesha e Uellsit, u vra së bashku me partnerin e saj të atëhershëm, Dodi Al Fayed. Asnjë vdekje në historinë moderne nuk ka gjeneruar aq shumë teori konspirative dhe aq shumë spekulime sa ajo e gruas që disa vite më parë u martua me mbretin e ardhshëm të Anglisë.
Kush e vrau Dianën?
Menjëherë pas vdekjes së Dianës filluan teoritë. Aksidenti është “orkestruar nga pallati”, Diana “ishte shtatzënë nga Al Fayed” e shumë të tjera, që edhe sot e kësaj dite ngjallin imagjinatën dhe interesin e publikut, shkruan CNNgr.
Bazuar në provat e hetimit, një gjykatë në vitin 2008 dha një vendim për “vrasje nga pakujdesia” nga drejtuesi i makinës së Dianës, Henri Paul dhe paparacët që ndoqën makinën. Në vendimin e jurisë thuhej: “Për më tepër, vdekja u shkaktua ose kontribuoi nga fakti se pasagjerët nuk kishin vendosur rripat e sigurimit dhe nga fakti se Mercedesi ka përplasur ndoshta shtyllën në tunelin Pont de l’Alma”.
Në vitin 2003, shërbëtori i Dianës, Paul Burrell bëri një deklaratë ku ai pretendonte se ishte shkruar nga Diana në vitin 1995 dhe letra përmbante pretendime se ish-bashkëshorti i saj po “planifikonte një aksident” në makinën e Dianës, si dëmtimi i frenave, për ta hequr qafe.
175 teori konspirative
Këto teori nuk kaluan pa u vënë re nga policia britanike, e cila në vitin 2004 nisi operacionin e koduar “Padgett” për të hetuar këto teori. Hetimi shqyrtoi 175 akuza të bëra nga Fayed në veçanti. Në mesin e dëshmitarëve të pyetur ishte Princi Charles.
Një nga teoritë ishte se shoferi i Mercedesit, Henri Paul paguhej nga “disa” agjenci të sigurisë kombëtare; versione të ndryshme të këtyre pretendimeve citojnë vendin e agjencisë së sigurisë si Britania e Madhe, Franca ose Shtetet e Bashkuara. Provat që supozohet të mbështesin këtë teori vijnë kryesisht nga paratë që zotëronte në momentin e vdekjes së tij dhe nga pasuria e tij personale. Mohamed Al-Fayed pretendon se Henri Paul ka punuar për MI6 të Britanisë. Megjithatë, hetimi nuk gjeti prova që Henri Paul ishte agjent i ndonjë shërbimi sigurie.
E vetmja gjë që u vërtetua ishte se Paul ishte pak i dehur natën e aksidentit, ndërsa në të njëjtën kohë merrte antidepresivë.
Pavarësisht këmbënguljes së Mohamed Al-Fayed, 25 vjet më vonë nuk ka pasur asnjë provë se përplasja ishte diçka më shumë se një shofer i pakujdesshëm, fobia e personave ndaj fotografëve dhe koha jo e mirë.
Diana në atë kohë ishte vetëm 36 vjeç!
j.l./ dita
Nuk u vra. Ai vazhdon dhe jeton.