70 hipopotamët e Pablo Escobar do të dërgohen nga Kolumbia në kopshtet zoologjike të Indisë dhe Meksikës.
Kolumbia planifikon të transportojë dhjetëra të ashtuquajtur “hipopotame kokaine”, që dikur ka qenë në kopshtin zoologjik privat të bosit të drogës Pablo Escobar, në Indi dhe Meksikë. Transferimi do të bëhet për të kontrolluar popullsinë e tyre në rritje.
60 do të dërgohen në Indi dhe 10 në Meksikë. Kostoja e transferimit të 70 hipopotamëve raportohet të arrijë në 3.5 milionë dollarë, shkruan “The Guardian”.
Bosi i kokainës solli një numër të vogël të kafshëve nga Afrika në Kolumbi në fund të viteve 1980. Por pas vdekjes së tij në 1993, kafshët u lanë të lira në një zonë të nxehtë, moçalore, ku autoritetet mjedisore kanë parandaluar shtimin e numrit të tyre.
Hipopotamet jetojnë në tufa, ata janë mjaft agresivë. Trashëgimia e Pablos është problematike pasi këto kafshë të veçanta, të cilat janë të famshme për agresionin e tyre kur dikush pushton territorin e tyre, shpesh shfaqen në rrugët e fshatrave përreth.
o.j/dita
