Riza Çelaj
Në jetën e përditshme është fat të takosh njerëz që me punën e përditshme lënë gjurmë tek të tjerët. Mes këtyre është Ibrahim Ukë Hajdarmataj nga Zogajt e Tropojës. Gjurmët e tij të punës e veprimtarisë janë jo vetëm në Bytyç e Tropojë, por edhe më gjerë. Ibrahimi ka spikatur si mësues nga shkolla që ka bërë, si gazetar me aftësitë që ka fituar në jetë e në punën përkrah njerëzve e mes realiteteve të ndryshme që e kanë nxitur e frymëzuar për të shkruar e përkushtuar në gazetat e kohës, si veprimtar shoqëror gjatë gjithë punës së tij.
Emri i Ibrahimit është bërë shumë i njohur në krahinë si kryeplak në Zogaj, kryetar i organizatës së veteranëve për Bytyçin, si anëtar i Komitetit të Veteranëve të rrethit, si kryetar i shoqatës së mësuesve për Kukësin, Hasin, Tropojën. Me shkrimet e tij ka goditur fenomene të dëmshme që kanë ndodhur, por edhe ka lartësuar figurën e ngjarje pikante të luftës e të ditëve tona. Në vite ka grumbulluar përvoja pune e njohje të realiteteve të djeshme e të sotme e këto kanë gjetur pasqyrim në shtypin e kohës nga Ibrahim Hajdarmataj.
Nga mënyra e shkrimit e trajtimit të problemeve secili do ta kishte zili aftësinë e tij komunikuese e mënyra e shkrimit të tyre në faqet e gazetave të shumta me të cilat bashkëpunon. Sot lexon një shkrim në gazetën “Kushtim Brezash”, nesër në gazetën e tij të dashur “Dita”. E dashur dhe e pazëvendësueshme është bërë Gazeta e Alpeve. Organet ku ka botuar në vite janë shumë: Zëri i popullit, Bashkimi, Zëri i rinisë, Luftëtari, Puna etj.
Ibrahim Hajdarmataj lindi 75 vite më parë në Zogaj të Tropojës, fshat me tradita e histori siç është Bytyçi në përgjithësi. Që në vogëli u njoh me historinë e Bytyçit, me heroizma e sakrificat e kësaj zone, por jo vetëm kaq ai u njoh me historinë e familjes së tij: babai Ukë Arifi me të shoqen Xhemile Ahmetja kanë qenë partizanë në Brigadën XXV sulmuese. Gjyshi, Arif Ahmeti, ka qenë bashkëluftëtar i Bajram Currit i dënuar me 101 vite burg nga Zogu. Shtëpia e tijë si shumë shtëpi në Zogaj ka qenë bazë e luftës. Këto ngjarje kanë ndikuar fuqishëm në edukimin e tijë. Shkollën fillore e mbaroi në vendlindje në Zogaj. Shkollën 7 – vjeçare e filloi në Kukës dhe e mbaroi në Bajram Curri. Shkollen e mesme për mësues e mbaroi në Shkoder në shkollen “Shejnaze Juka”. Kthehet në vendlindje dhe filloi punë si mësues fillorje. Më vone kreu studimet ne fakultetin e gjuhës dge letërsisë në UT. Pas mbarimit të fakultetit ka kryer një kurs specializimi në letërsi. Puna e tij gjatë gjithë kohës ka qënë në vendlindje , me detyren mësues, zv/drejtor, drejtor, shef kuadri, kryetarë i këshillit popullor. Ka mbi 10 vite në pension por mban gjithnjë lart emrin e tij si mësues dhe veprimtar shoqëror, ndërsa nuk rresht së shkruari për vlerat e krahinës dhe të njerëzve të mirë që ka njohur në jetë. Koha i ka dhënë vlera. E ne i urojmë: Të lumtë dora e mendja për shkrimet që bën e mesazhet që përcjell në Bytyç e më gjërë, Ibrahim!
