Një 16-vjeçar ka humbur jetën në një aksident të ndodhur mbrëmjes e së hënës në Shkodër, ndërsa një tjetër i mitur është plagosur rëndë.
Policia tha se aksidenti ndodhi rreth orës 18:20, në vendin e quajtur “Stom Golem”, ku dyshohet se një i mitur 16-vjeçar, duke drejtuar një motomjet, ka humbur kontrollin mbi drejtimin e motomjetit dhe për pasojë motomjeti ka dalë nga rruga, ku 16-vjeçari ka humbur jetën në vendin e ngjarjes.
Në motomjet dyshohet se udhëtonte dhe një i mitur 14-vjeçar i cili u dërgua në spital në gjendje të rëndë shëndetësore.
Grupi hetimor nën drejtimin e Prokurorisë po punon për sqarimin e rrethanave dhe shkakut të aksidentit.
i.b./dita
