Një aksident i rëndë ka ndodhur të premten në mbrëmje në aksin Fier-Levan, ku janë përfshirë tre automjete.
Sipas burimeve nga vendngjarja, disa persona kanë mbetur të plagosur dhe janë transportuar me urgjencë në Spitalin Rajonal të Fierit për ndihmë mjekësore.
“Rreth orës 22:00 të së premtes , në vendin e quajtur “Qafa e Koshovicës”, janë përfshirë në aksident tre automjete, me drejtues shtetasit B. Ç., 41 vjeç, J. Ç., 52 vjeç dhe K. K., 25 vjeç. Si pasojë e përplasjes, janë dëmtuar dy prej pasagjerëve në automjetin me drejtues shtetasin J. Ç., shtetasit A. S., 50 vjeç dhe K. Ç., 42 vjeç, të cilët ndodhen në spital, në kujdesin e mjekëve, jashtë rrezikut për jetën”, thuhet në njoftimin e policisë.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
i.b./dita
