Një aksident tragjik ka ndodhur në bypass-in e Vlorës, pranë Kaninës, ku si pasojë një person ka humbur jetën. Bëhet me dije se në aksident janë përfshirë tre makina, të cilat janë përplasur me njëra-tjetrën. Si pasojë e përplasjes, një furgon dhe një makinë janë përfshirë nga flakët dhe janë shkrumbuar plotësisht.
Në mjetin tip BMW një person rreth 40 vjeç ka mbetur i bllokuar brenda, i cili fatkeqësisht ka humbur jetën. Për shkak të dëmtimeve të rënda dhe deformimit të mjetit nga përplasja, trupi i viktimës ndodhet ende brenda automjetit.
Ekipet e zjarrfikësve po punojnë për prerjen e llamarinave dhe nxjerrjen e trupit. Ndërkohë në spital janë transportuar dhe tre persona të plagosur. Sakaq, autoritetet po vijojnë veprimet në vendin e ngjarjes për zbardhjen e plotë të aksidentit fatal.
j.l./ dita
