Një aksident i rëndë është regjistruar mëngjesin e sotëm në fshatin Mengël. Mësohet se në aksin rrugor Elbasan–Librazhd, një fëmijë 7-vjeçar ka humbur jetën pasi është përplasur nga një automjet.
I mituri ishte duke kaluar rrugën për të shkuar në shkollë, kur i ka shpëtuar nga dora nënës së tij dhe është goditur nga mjeti që po qarkullonte në aksin nacional.
Ngjarja ka ndodhur pranë shkollës së fshatit, e cila ndodhet ngjitur me rrugën kryesore. Në vendngjarje kanë mbërritur forcat e policisë dhe grupi hetimor, të cilët po punojnë për zbardhjen e plotë të rrethanave të aksidentit.
j.l./ dita
