Vdekja tragjike e basketbollistit Kobe Bryant erdhi si një tronditje e madhe për të gjithë komunitetin sportiv.
Legjenda e NBA-së ndërroi jetë më 26 janar 2020, së bashku me vajzën e tij Gianna dhe shtatë persona të tjerë pasi u përfshi në një përplasje helikopteri pranë Calabasas, Kaliforni.
Muajin e kaluar, raporti i autopsisë së Kobe Bryant u publikua nga Departamenti i Ekzaminuesit Mjekësor të Qarkut të Los Anxhelosit, i cili konfirmoi se Bryant dhe viktimat e tjera vdiqën si pasojë e traumës së shkaktuar nga përplasja, ndërsa vdekja u klasifikua si aksidentale.
Raporti i publikuar muajin e kaluar nuk u mbulua nga media në thellësi pasi përmendi disa nga detajet e tmerrshme të përplasjes. Sidoqoftë, kohët e fundit, një person i panjohur publikoi raportin e plotë të autopsisë në internet së bashku me një skicë të autopsisë së Kobe Bryant, e cila nxjerr në pah natyrën brutale të aksidentit.
Lajmi për ‘autopsinë e Kobe Bryant-it u përhap’ u përhap me shpejtësi dhe për momentin Twitter, e po ashtu edhe rrjetet e tjera sociale janë mbushur me foto dhe detaje të trupave që u gjetën nga zyrtarët pas aksidentit. Thuhet se skica e autopsisë së Kobe Bryant dhe raporti i plotë u publikuan për herë të parë nga një përdorues në komunitetin Reddit ‘Morbid Reality’. Raporti tregon se legjendës së NBA-së i mungonte plotësisht trupi i poshtëm, i mungonte një krah dhe madje i mungonte një pjesë e kafkës.
Përveç detajeve të tmerrshme në raportin e zbuluar, përmendet gjithashtu se viktimat – Kobe Bryant, Gianna Bryant, Alyssa Altobelli, John Altobelli, Keri Altobelli, Payton Chester, Sarah Chester, Christina Mauser dhe Ara Zobayan (pilot) – u gjetën me kocka të thyera, rroba të djegura dhe pjesë të trupit të dëmtuara rëndë (ose mungojnë).
Ndërkohë që shkaku i rrëzimit është ende duke u hetuar nga autoritetet, ndërsa raporti i autopsisë për pilotin, Ara Zobayan, doli negativ për drogë dhe alkool. Sipas raportimeve, gruaja e Kobe Bryant, Vanessa Bryant, aktualisht është në një proces gjyqësor me vëllain e Ara Zobayan, Berge.
Padia e Vanessa Bryant pretendon se Ara Zobayan ishte neglizhent në vlerësimin e kushteve të motit përpara nisjes.
Megjithatë, në përgjigjen e Berge Zobayan ndaj padisë thuhet se pasagjerët në helikopter kanë qenë të pakujdesshëm dhe për këtë arsye piloti nuk mund të fajësohet për aksidentin.
j.l./ dita
