Shoferi i makinës ‘BMW X6’, që u përplas në orët e para të mëngjesit me digën e Liqenit Artificial, është arrestuar nga policia. Në pranga ka rënë 26-vjeçari Eldi Allushi.
Pronari i mjetit do t’i nënshtrohet verifikimeve dhe hetimeve të mëtejshme mbi rastin.
“Rreth orës 15:00 të ditës së sotme, Policia e Qarkullimit Rrugor Tiranë ka arritur të lokalizojë dhe shoqërojë në komisariat shtetasin E. A., pronar i automjetit BMW X6, i cili mëngjesin e sotëm, rreth orës 05:15, është përplasur në bordurën mbrojtëse në skarpatin e digës së Liqenit Artificial”, bën me dije policia e kryeqytetit në njoftim.
