Autoritetet turke kanë kryer raundin e pestë të arrestimeve që nga mëngjesi i sotëm, si pjesë e masave të ashpra ndaj kryetarit të ndaluar të Stambollit, Ekrem Imamoglu, dhe kryetarëve të tjerë të bashkive të Partisë Republikane Popullore (CHP), partisë kryesore opozitare.
Prokuroria e Stambollit ka lëshuar urdhër-arreste për 47 persona, të cilët janë zyrtarë të CHP-së në qeverisjen vendore. Midis urdhër-arresteve janë pesë që kanë të bëjnë me kryetarët e bashkive rajonale, tre në Stamboll dhe dy në provincën Adana. Një ish-deputet i CHP-së u arrestua gjithashtu.
Që nga mëngjesi i hershëm, policia vazhdoi të ekzekutonte urdhër-arrestet dhe rreth orës 10:00 të mëngjesit, 30 persona janë arrestuar tashmë.
Pas këtij zhvillimi, organet e CHP-së në Stamboll mbajtën një takim urgjent.
i.b./dita
