Më 12 prill, aktori fitues i çmimit Oscar, Jamie Foxx (Django), u shtrua me urgjencë në një spital amerikan dhe që atëherë, gjendja e tij ka qenë një mister.
Dihet pak për gjendjen e vërtetë të 55-vjeçarit. Ai ndodhet tashmë në një qendër të specializuar për lëndimet e trurit dhe kancerin.
Sipas mediave, aktori ka vdekur dhe mjekëve u është dashur ta ringjallin! “Ai pësoi një episod të rëndë mjekësor dhe kishte nevojë për kujdes të menjëhershëm. Ai duhej të ringjallej. Është shumë me fat që është gjallë”, shpjeguan ata.
Dyshimet dhe spekulimet për gjendjen e tij nuk kanë të ndalur, pjesërisht për shkak të mungesës së lajmeve nga familjarët dhe miqtë e tij.
Që nga ajo kohë të gjithë kanë qenë në krah të aktorit, i cili gjatë gjithë kohës ka qenë i shoqëruar nga familja, siç tregon portali i njohur TMZ. Ndërkohë, filmi ‘Back In Action’, i cili do të dalë në Netflix, ka vazhduar xhirimet pa Jamie Foxx.
Tani për tani filmi ka vënë në vend të tij një dublikant, i cili po përgatitet.
