Pak ditë ndajnë nga fillimi i Botërorit 2022 dhe klima po nxehet për fat të keq me akuza të rënda në adresë të vendit organizator, Katarit. Aktiviteti i cili padyshim është më i diskutuari i të gjitha kohëve, nis me një akuzë korrupsioni ndaj ekipit vendas, për të cilin pretendohet se ka paguar përfaqësuesen e Ekuadorit që të humbasë në ndeshjen hapëse të dielën.
Amjad Taha, drejtori rajonal i “British Middle East Centre for Studies and Research” (Qendra Britanike e Lindjes së Mesme për Studime dhe Kërkim), ka postuar në rrjete sociale akuzën e tij të rëndë se Katari ka paguar 7,4 milionë dollarë për të fituar ndeshjen e hapjes e për të mos u turpëruar në sytë e të gjithë botës në këtë aktivitet.
Specifikisht, Taha insiston se kjo shifër është paguar që sfida të mbyllet me rezultatin 1-0 për Katarin, me një gol të shënuar në pjesën e dytë të ndeshjes, nga e cila na ndajnë vetëm 3 ditë.
Exclusive: Qatar bribed eight Ecuadorian players $7.4 million to lose the opener(1-0 ⚽️ 2nd half). Five Qatari and #Ecadour insiders confirmed this.We hope it’s false. We hope sharing this will affect the outcome.The world should oppose FIFA corruption.@MailSport #WorldCup2022
— Amjad Taha أمجد طه (@amjadt25) November 17, 2022
j.l./ dita
Po i pati korruptuar mire e ka bere se dhe Ekuadori nje vend ku niset kokaina per ne Europe eshte.