Interi arriti të triumfonte dhe fitoi 1-0 me Juventusin në gjysmëfinalen e dytë të Kupës së Italisë, duke u bërë finalisti i parë. Tanimë zikaltërit kalojnë në finale, teksa epilogu i ndeshjes nuk ka qenë i qetë, teksa Allegri ka dalë nga vetja, duke shpërthyer në akuza e fyerje ndaj kundërshtarëve. “Gazzeta dello sport” njofton se në përfundimin e ndeshjes, trajneri i zonjës Allegri është përplasur me drejtuesit e Interit, Baccino dhe Marotta, duke i thënë se do jenë jashtë Championsit sezonin që vjen. “Zakonisht jeni m.. . Do të përfundosh i gjashti në tabelë,” i bërtiti Allegri Baccino-s dhe Marotta-s, më pas hyri në dhomën e zhveshjes dhe u dha lojtarëve një mesazh të qartë. “Duhet të përfundojmë përpara tyre në renditje. Nuk do t’i lejojmë të luajnë në Champions League”, ishte mesazhi i trajnerit të Juventusit.
Kerko
