Ambasadori i Bashkimit Europian në Shqipëri, Silvio Gonzato është filmuar teksa ecte mes mijëra protestuesve që kanë zënë sheshin para Kryeministrisë.
Ambasadori shihet i veshur sportiv dhe i pashoqëruar. Nuk dihet nëse kalimi i tij në bulevard në atë moment është një rastësi apo diplomati ka dashur të shohë me sytë e tij atë që po ndodh me protestën.
Sipas qytetarëve që ishin në zonën ku është filmuar ambasadori i BE, ai ka kaluar, ka qëndruar pak, por nuk ka qenë pjesëmarrës në protestë.
