Agjencia e Mbikëqyrjes Policore në rajonin e Fierit – Berat ka zbatuar urdhrin e Prokurorisë për ekzekutimin e vendimit të Gjykatës së Shkallës së Parë të Juridiksionit të Përgjithshëm Fier, duke caktuar masa sigurie për 6 punonjës të dy institucioneve të ndryshme.
Masat, që përfshijnë pezullimin e ushtrimit të detyrës dhe detyrimin për t’u paraqitur në policinë gjyqësore, janë vendosur ndaj tre punonjësve të policisë dhe tre punonjësve të Inspektoriatit Kombëtar të Mbrojtjes së Territorit (IKMT).
Punonjësit e përfshirë janë:
- K. – Ndihmës Specialist në Komisariatin e Policisë Fier
- B. – Ndihmës Specialist në Komisariatin e Policisë Fier
- K. – Ndihmës Specialist në Komisariatin e Policisë Fier
- X. – Kryeinspektor pranë Inspektoriatit Kombëtar të Mbrojtjes së Territorit, Bashkia Mallakastër
- XH. – Inspektor pranë Inspektoriatit Kombëtar të Mbrojtjes së Territorit, Bashkia Mallakastër
- Y. – Inspektor pranë Inspektoriatit Kombëtar të Mbrojtjes së Territorit, Bashkia Mallakastër
Hetimet e zhvilluara nga AMP kanë zbuluar dyshime të forta që këta punonjës të policisë dhe IKMT-së, në bashkëpunim, kanë lejuar ndërtimin e paligjshëm në territorin e Bashkisë Mallakastër. Sipas hetimeve, ata janë të dyshuar për shpërdorim detyre dhe ndihmën në ndërtimin e paligjshëm të objekteve në këtë zonë.
