Milionat e naftës arabe kanë “bllokuar” futbollin në Evropë. Tanimë yjet e këtij sporti kanë dëshirë të luajnë në ligën e Arabisë Saudite, kjo për shkak të pagesave të larta të bëra nga këto klube, që janë në pronësi të shtetit, me një fond prej 300 miliardë eurosh.
Pas firmës me Ronaldo, Kante, Benzema, Koulibaly apo edhe të tjerë, është Al-Hilal që kërkon shërbimet e italianit Marco Verratti. Drejtuesit e klubit kanë zbarkuar sot në Paris ku pritet të bindin lojtarin dhe vetë PSG-në, me mesfushorin që pritet të bëhet sheik.PSG nuk do e pengonte një largim të mesfushorit, me Verrattin që përfiton 8 milionë euro në sezon në Paris. Paga që mund të përfitojë mesfushori te Al-Hilal do jetë 20-25 milionë euro në sezon, gjë që ka tunduar italianin.
