Vetëm 24 orë kanë kaluar nga arrestimi i kreut të mafias italiane Matteo Messina Denaro. Autoritetet kanë shtrirë sot hetimet në vendin ku bosi italian fshihej gjatë 30 viteve në arrati. Referuar hetimeve është zbuluar se Messina fshihej në zonën midis Campobello dhe Castelvetrano i cili ndryshe quhej si qyteti i Messina Denaros.
Një aspekt tjetër i rëndësishëm, ende për t’u eksploruar është ai i rrjetit të mbështetësve. Përveç Luppino dhe Bonafede pozicioni i të cilit po shqyrtohet ende nga hetuesit, kush ka mbuluar, favorizuar dhe financuar arratisjen e Messina Denaros kohët e fundit?
Me kalimin e viteve, qindra besnikë kumbarë kanë përfunduar në burg për ndihmë dhe nxitje, duke përfshirë motra, kunetër dhe vëllezër. Por bashkëfajësia shkon përtej shoferit dhe pronarit të kartës së identitetit. Për shembull, në klinikën e njohur të Palermos që trajtoi Scarlet Pimpernel për një vit, askush nuk e dinte identitetin e vërtetë të pacientit?
Si u arrestua bosi i ‘Cosa-Nostras’?
Anti-Mafia Italiane arrestoi pas 30 vitesh në kërkim bosin e mafias famëkeqe Cosa Nostra, Messina Denaro. Ai u arrestua në një klinikë private në Palermo. Ai ishte duke marrë trajtim rreth orës 09:00, kur karabinierët zbarkuan dhe mbi 100 policë u përfshinë në arrestimin e tij. Messina Denaro është dënuar dhe gjykuar në mungesë për një sërë vrasjesh, përfshirë edhe ekzekutimin e dy prokurorëve të antimafias, Giovanni Falcone dhe Paolo Borsellino në vitin 1992. Skeda e tij kriminale vazhdon me të tjera ngjarje të rënda si sulmet me bomba vdekjeprurëse të vitit 1993 në Milano, Firence dhe Romë, dhe rrëmbimin, torturimin dhe vrasjen e djalit 11-vjeçar të një mafiozi që ishte kthyer në të penduarin e drejtësisë.
Denaro mbikëqyri gjithashtu shantazhin, hedhjen e paligjshme të mbeturinave, pastrimin e parave dhe trafikun e drogës për sindikatat e fuqishme të krimit të organizuar Cosa Nostra. Ai thuhet se ishte i mbrojturi i Totò Riina, kreut i klanit Corleone, i cili u arrestua në vitin 1993 pas 23 vitesh në arrati. Edhe arrestimi i Denaro është bërë në të njëjtën datë. Por edhe pse në arrati, aktiviteti i Denaro vazhdonte ku mendohet se ai jepte urdhra vartësve të tij nga vende sekrete për ekzekutime dhe trafiqe.
j.l./ dita
