Është vënë në pranga ditën e sotme drejtori i OSHEE-së në Peqin, si dhe janë proceduar 2 punonjës të këtij institucioni, pas zbulimit të një magazine në të cilën ishin krijuar kushtet për mbjelljen dhe rritjen e kanabisit.
Uniformat blu bëjnë me dije se në sajë të operacionit të koduar “Inside”, pas kontrollit në magazinën në pronësi të një 37-vjeçari, në fshatin Fatishe, u konstatua se ky ambient ishte përshtatur për kultivim dhe prodhim të kanabisit, me pajisje që furnizoheshin me lidhje të paligjshme të energjisë elektrike.
37-vjeçari u vu në pranga, ndërsa u bë ndalimi i shtetasit E. M., 33 vjeç, me detyrë Drejtor i OSHEE, Peqin, për veprat penale “Shpërdorimi i detyrës” dhe “Moskallëzimi i krimit”.
Gjithashtu, u referuan materialet në Prokurori, ku nisi procedimi në gjendje të lirë për veprat penale “Shpërdorimi i detyrës” dhe “Moskallëzimi i krimit”, për shtetasin M. P., 60 vjeç, me detyrë elektricist i OSHEE, Peqin, dhe për shtetasin A. K., 33 vjeç, me detyrë faturist i këtij institucioni.
Sakaq, vijojnë hetimet për identifikimin e personave të tjerë të implikuar në këtë veprimtari kriminale, si dhe për dokumentmin e plotë ligjor të këtij rasti.
j.l./ dita
Thuhet se depozitat e qytetarëve në banka janë rritur, mendoj se një pjesë e mirë e këtyre depozitave janë pikërisht të ardhura nga burime të paligjshme. Një pjesë e depozitave nga bimët narkotike, një pjesë nga shmangia e detyrimeve financiare të kompanive, një pjesë me abuzimet në detyrë të punonjësve të administratës shtetërore (kjo shihet nga arrestimet e përditshme) dhe plot rrugë të tjera të paligjshme. Përsa i përket depozitave të qytetarëve (me rrugë të ligjshme) ato zënë një %të vogël. Kjo është më se e vërtetë, se pagat janë të ulta dhe çmimet e mallrave të ndryshme, më të larta se në vendet europjane. (me standarde të larta jetese.) Prandaj nuk ka nevojë për të zbukuruar realitetin, se ky realitet ekonomik i prekshëm nga qytetarët është shqetësues. Dielli nuk mbulohet me shohë, por realiteti duhet parë në sy dhe qeveria të jetë e përgjegjshme për këtë situatë.