Policia ka arrestuar Renato Bodurrin, një nga personat e përfshirë në dhunën ndaj administratorit të portalit “Pamfleti”, Gjergj Zefi.
Ky i fundit u dhunua me sende të forta më 3 tetor pranë redaksisë së medias së tij.
Faqja e njohur Pamfleti shkruan lidhur me arrestimin:
“Renato Bodurri është i besuar dhe menaxher i grupit kriminal në Elbasan, Çopja, me aktivitet në trafikun e drogës, shkatërrim prone, krime kundër personit etj., por që çuditërisht ende SPAK nuk i ka marrë në dorë, siç po operon me grupet e tjera, kapot e të cilëve do t’a kalojnë pjesën tjetër të jetës në burg.
Renato Bodurri është menaxher në lokalin e famshëm Living në Elbasan, në pronësi të grupit Çopja. Për lokalin Livin si pjesë e perandorisë kriminale dhe të investimit të parave të drogës, kanë shkruar gjerësisht mediat britanike.
Ky grup kriminal ka lidhje të forta me dhëndrin e Qazim Sejdinit, me Suel Çelën, disa politikanë, oligarkë si dhe grupe të tjera kriminale. Nga ana e strukturave ligjzbatuese është parë një mungesë vullneti për të vepruar dhe zbardhur ngjarjen, për të vënë para përgjegjësisë ligjore urdhëruesit dhe zbatuesit e sulmit, të cilët rrezikojnë deri në 5 vite burg”.
Njoftimi i Policisë:
“Kapet dhe vihet në pranga, nga shërbimet e Komisariatit të Policisë Nr. 3, njëri nga autorët e ngjarjes së ndodhur më datë 03.10.2023, ku në rrugën “Bardhok Biba”, u godit me sende të forta administratori i një portali.
Shërbimet e Komisariatit të Policisë Nr. 3, në vijim të punës për identifikimin, kapjen dhe vënien përpara përgjegjësisë ligjore të ngjarjes së ndodhur më datë 03.10.2023, ku në rrugën “Bardhok Biba”, disa persona, në bashkëpunim me njëri-tjetrin, kanë goditur me sende të forta shtetasin Gjergj Zefi, (administrator i një portali), kanë vijuar veprimet e thelluara hetimore për dokumentimin dhe vënien përpara përgjegjësisë ligjore, të autorëve të dyshuar.
Si rezultat, në bashkëpunim me shërbimet e DVP Elbasan, në Elbasan, u kap dhe u ndalua shtetasi Renato Bodurri, 31 vjeç, banues në Elbasan.
Vijon puna për identifikimin dhe kapjen e personave të tjerë të implikuar në këtë ngjarje.
Në cilësinë e provës materiale u sekuestrua automjeti me të cilin dyshohet se 31-vjeçari është larguar nga vendi i ngjarjes, si dhe aparati i tij celular. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale”, njoftoi policia.
a.c./dita
Futini ne burg halet dhe llumin e shoqerise shqiptare
Shumë mirë për ndalimin e agresorit.
Por ky Zefi,nën mirë të jetë më objektov dhe i saktë në shkrimey e ti.Ai duet ta dijë që nuk ësjtë gjykatës në sallën e gjyqit.
Kë të futësh më parë në burg këtu…në këtë vënd të gjithë janë dukur kush e kush të xhvas e të vras
A kerkon gjoba Gjergj Zefi, kjo eshte pyetja ndaj mediave tona te shitura!
Dy fjale per artikullin e Kimetes! Nuk mendoj se njerezit qe na shajne Kimeten jane budallenj! Jane Kosovare dhe Shqiptare! Nuk eshte Dashuri- thoshte- Platoni eshte semundje mendore! Dhe ne, Shqiptaret,Kombi yne primitv, qofte femra qofte burri themi eshte timi ose timja, si prone! Por dashuria eshte ndjenje, dhe shume here ngaterohet me seksin! Por mos harrojme jemi nje komb Islamik myslyman dhe gjera te tilla do te ndodhin e per shume kohe!Dhe mendoni kush jane Osmani dhe Kurti apo Saliu. Dogmatike!