Agjencia Shtetërore e Kadastrës (ASHK) po përshpejton procesin e legalizimeve, duke siguruar të drejtën e pronësisë për qytetarët mbi ndërtimet pa leje. Gjatë tre muajve të fundit, ASHK ka emetuar 3000 vendime legalizimi, duke reduktuar pritjen dhe duke përmbushur angazhimin ligjor për formalizimin e pronësisë.
Ky progres është pjesë e zbatimit të Ligjit nr. 20/2020, i cili përcakton vitin 2028 si afatin përfundimtar për proceset kalimtare të pronësisë. Me mbështetjen e bashkive, ASHK po identifikon zonat prioritare dhe po përshpejton procedurat e verifikimit në terren dhe plotësimin e dosjeve.
Për regjistrimin e vendimit të legalizimit, qytetarët mund të aplikojnë përmes portalit e-Albania, pas përfundimit të afatit 30-ditor për ankime administrative. Aplikimet mund të kryhen lehtë për shërbimet si:
• “Regjistrimin e kalimit të pronësisë me anë të ligjit (R2)”
• “Lëshim Certifikate Pronësie (L1)”
• “Lëshim kopje kartele të pasurisë (I5)”
• “Lëshim kopje të fragmentit të hartës kadastrale (I4)”
ASHK mbetet e angazhuar për përshpejtimin dhe lehtësimin e procedurave në shërbim të qytetarëve dhe respektimin e afateve ligjore.
i.b./dita
ASHK nuk eshte se po lehteson qytetaret por po ndihmon si gjithmone ne kohe fushate dhe me vjen çudi se si Rama nuk ka dale vete te shperndaje tapite! Apo nu i ka ardhur akoma radha Rames se eshte pak shpejt ?
Kame qe ne dat;20/10/2023 me kodin e aplikimit 33805654-2000071 dhe statusi thote ne procesim ne ashk , nuk marr dot certifikaten e pronesise,?