Asosacioni i komunave me shumicë serbe duhet të përmbushë 3 kritere.
Këshilli i Ambasadorëve Shqiptarë propozon që për krijimin e Asociacionit duhet të zbatohen 3 parime. Sipas tyre, së pari të mos cënohet Kushtetuta e Kosovës, së dyti kjo strukturë të mos jetë një-etnike, dhe së treti ajo nuk mund të trajtohet e shkëputur nga marrëveshja përfundimtare në mes të Republikës së Kosovës dhe Republikës së Serbisë, si dy vende sovrane.
Në një njoftim për media, Këshilli i ambasadorëve shqiptarë thonë se themelimi i kësaj Bashkësie ka mbetur çështje e hapur nga viti 2015 dhe kjo ka ndodhur për shkak të druajtjes së arsyeshme në Prishtinë se ai entitet mund të shndërrohet në instrument të Serbisë për të minuar sovranitetin shtetëror dhe funksionalitetin kushtetues të Republikës së Kosovës.
“Këshilli i Ambasadorëve Shqiptarë shpreh bindjen e plotë se Republika e Kosovës, si gjithmonë, do të sillet si shtet i përgjegjshëm, që ruan interesat shtetërore dhe aleancat strategjike, i përkushtuar për paqe dhe stabilitet në rajon dhe integrime Euro-Atlantike”, përfundon deklarata e Këshillit të ambasadorëve shqiptarë.
m.b./dita
