Një objekt qiellor më përmasat e Manhatanit po i afrohet Tokës, dhe sipas një shkencëtari të Harvardit, lëvizja e tij nuk është aspak ajo e një meteori të zakonshëm.
Objekti i pagëzuar me emrin 3I/ATLAS u pikas për të parën herë në sistemin tonë diellor në muajin korrik. Por ndërsa fillimisht kishte formën e një asteroidi, së fundi ka shfaqur një lloj bishti komete, që i ka bërë studiuesit ta vënë seriozisht në dyshim natyrën e vërtetë të tij.
Pamjet e marra nga Teleskopi Optik Verior i Spanjës, që ndodhet në ishujt Kanarie, tregojnë materiale që shkëputen pas objektit i cili po udhëton drejt diellit, shkruan shkroi astrofizikanti i Harvardit, Avi Loeb. Sipas tij, në fillim 3I/ATLAS mbështillej nga një lloj reje, e përbërë kryesisht nga dioksid karboni e ujë me sasi të vogla cianuri, si dhe një aliazh nikeli të paparë në natyrë që është përdorur vetëm në prodhimin njerëzor.
Shfaqja e papritur e një bishti tani sipas ekspertit, mund të jetë në fakt, tregues i një manovre kontrollimi. E thënë ndryshe, dyshimet e tij janë se objektit në fjalë në fakt, mudn të jetë një anije aliene.
“Nëse ajo që po shohim është një anije kozmike aliene që po ngadalëson, atëherë reja që e ndjek pas do të rovë e një manovre “frenimi shtytës” e cila natyrshëm do të ndryshonte duke u kthyer në bisht, teksa përfundon procedura e ngadalësimit”, argumenton shkencëtari.
Rrjeti Ndërkombëtar i Paralajmërimit të Asteroideve e shtoi 3I/ATLAS në listën e objektivave të tij në fillim të kësaj jave dhe njoftoi se ka nisur monitorimin e objektit për qëllime shkencore.
j.l./ dita
