Prokuroria e Posaçme do të hetojë atentatin mafioz me 4 viktima në Dobraç të Shkodrës. Prokuroria e Shkodrës ka dyshime se ngjarja është kryer nga një grup kriminal, ndaj çështja do t’i kalojë për kompetencë SPAK. Pas gati dy javësh, ngjarja vijon ende të jetë pa autor.
Atentati ndodhi pasditen e 30 tetorit në Dobraç të Shkodrës, ku në rrugën kryesore që lidh qytetin me Malësinë e Madhe, një automjet i ka prerë rrugën një “Mercedes”-i duke qëlluar me breshëri kallashnikovi mbi të.
Viktimat ishin Hamza Lici që vdiq në vendin e ngjarjes, Arlind Bushati i cili ndërroi jetë në spital dhe Flutura Basha, e cila ishte një kalimtare e rastit në atë rrugë, teksa ndodhej me bashkëshortin e saj në një motor. Ndërkohë, ky i fundit, identifikuar si Bashkim Basha ndërroi jetë në spital, 5 ditë pa atentatit.
Në makinën e viktimava shofer ka qenë Hamza Lici dhe pasagjer Arlind Bushati. Lici ka humbur kontrollin e makinës duke marrë para dhe motorin në të cilin ndodhej çifti Basha. Ende nuk ka asnjë person të arrestuar lidhur me ngjarjen e rëndë, ndonëse ka pasur shoqërime të shumta në Polici dhe marrje në pyetje.
j.l./ dita
Vazhdoni taktiken e Policise kunder Mafias Italiane ne vitet 60-70.
Lerini te vriten, prinderit e tyre nuk pjellin dot me, dalngadale do shuhen.
Cfare eshte ky budallalleke qe eshte bere mode ne shqiperi, ceshtja kalon ne SPAK per paaftesi te prokurorise??? Rrogen e marrin keto prokurore nga taksat e popullit? Nqs I paafte dorezo detyren. Ka dhjetra te tjere te afte qe presin te punojne.