“Balluku emëron ministra”, Ahmetaj: Struktura vazhdon, nuk është cënuar

Ish numri dy i qeverisë, Arben Ahmetaj thotë se struktura e Belinda Ballukut nuk është cënuar dhe vazhdon.

Sipas tij, Balluku ende emëron ministra, madje sipas tij, e kërcënon Ramën nëse ia prek ministrat.

“Struktura e Belinda Ballukut dhe e kreut të organizatës dhe në AKSHI dhe në rrugë dhe në energji dhe në kadastër vazhdon. Struktura nuk është cënuar. Struktura është me fortë se kurrë, Belinda Balluku emëron ministra dhe e kërcënon nëse ia prek ministrat, e kërcënon. E masakruan ministren e Shëndetësisë për një ligj që do bëjë ky një kartel të vetin”, tha Ahmetaj për gazetarin Çim Peka.

Ahmetaj kishte edhe një kritike për drejtësinë në raport me Belinda Ballukun: “Për plaçkitësen që është kalibër spektakolar në raport me vjedhjen ti kërkon pezullim”.

Po ashtu Ahmetaj deklaroi se “shqiptarët janë të llahtarisur me plaçkitësen”.

“Për plaçkitësen del e thotë se nuk ka bërë gjë kjo. Shqipëria është llahtarisur me nivelin e plaçkitëses! Dhe për mua thotë “po të isha unë prokuror dhe gjyqtar”. Po ti je prokuror dhe gjyqtar edhe për ca kohë, Ti je! Ti ke guxuar të dalësh dhe të thuash që “po të isha unë prokuror dhe gjyqtar”…Se ty s’të ka marrë mendja që unë nuk e llogaris më veten time. Unë do të ndjek çdo lloj rruge ligjore për të drejtën time dhe të familjes sime, që i kanë bërë gjenocid”, tha Ahmetaj.

Ahmetaj paralajmëroi se do vazhdojë denoncimet, duke thënë se “Rama i ka bërë llogaritë gabim”.

“Këtë që po bëj unë do ta bëj dhe do ta bëj… deri në ditën e fundit të jetës time. S’ka rëndësi çfarë kërcënon ky. Ky ka bërë llogari gabim me mua. I ka bërë llogaritë totalisht gabim”, deklaroi Ahmetaj.

j.l./ dita