Një 55-vjeçar është gjetur pa shenja jete në afërsi të banesës ku jetonte i vetëm, në fshatin Guri i Kuq, në Pogradec. Së pari, u njoftua nga policia se i ndjeri kishte rënë aksidentalisht nga një lartësi.
Në njoftimin e dytë, sipas burimeve zyrtare trupi i 55-vjeçarit me inicialet R.T, nuk ka pasur shenja dhune dhe dyshohet se ka humbur jetën për shkaqe natyrale.
“Pogradec/Informacion paraprak:
Mëngjesin e sotëm, në fshatin Guri i Kuq, Pogradec, në afërsi të banesës ku jetonte i vetëm, është gjetur i pajetë, pa shenja dhune, shtetasi R. T., rreth 55 vjeç, i cili dyshohet të ketë ndërruar jetë për shkaqe natyrore. Grupi hetimor po punon për sqarimin e rrethanave të ngjarjes”, njofton Policia.
