Barcelona fitoi thellë 3-0 me Mallorcan në javën e parafundit të La Ligas, e fundit në “Camp Nou” për këtë sezon, teksa stadium mitik i katalanasve do t’u nënshtrohet punimeve që do të zgjatin të paktën një vit. Një mënyrë e mirë për të përshëndetur dy ikona të klubit “blaugrana”, Jordi Alban dhe Sergio Busquets, të cilët nuk do të jenë më pjesë e Barcelonës me përfundimin e sezonit.
Sa i përket kronikës së ndeshjes, Barcelona e zgjidhi shumë shpejt teksa Ansu Fati realizoi dy gola të shpejtë në minutat 1’ dhe 24’. Në rastin e parë e dërgoi topin në rrjetë pas një aksioni model, ndërsa në dyfishimin e rezultatit u shërbyer nga Lewandowski. Nga minuta e 14-të, Mallorca luajti me një lojtar më pak për shkak të ndëshkimit të Ndiaye me karton të kuq. Në superioritet numerik, Barcelona e pati të lehtë për ta menaxhuar lojën, madje shënoi edhe një gol të tretë me anë të Gavit në minutën e 70-të. Fiton edhe Atletico e Madridit 2-1 përballë Real Sociedadit.
Antoine Griezmann zhbllokoi rezultatin në minutën e 37-të me një diagonale të pakapshme për portierin kundërshtar. Golin e dytë të “Los Colchoneros” e realizoi Molina në të 73-tën, i asistuar pikërisht nga Griezmann. Tri minuta para përfundimit të kohës së rregullt, Sorloth shkurtoi diferencën në 2-1, por pa mundur që ta shmangte humbjen. Pavarësisht humbjes, Sociedadi siguron pjesëmarrjen në Champions, pasi Villarreali u mposht 2-1 nga Rayo Vallecano.
Bie matematikisht nga kategoria Espanyoli, pas barazimit 2-2 në fushën e Valencias. Teksa javën e fundit edhe Valencia dhe Celta Vigo luajnë shanset e tyre, por jo vetëm kaq, sepse deri tek vendi i 13-të e poshtë tek i 18-i, janë të rrezikuara të gjitha, mes tyre Cadiz, Almeria, Valladolid, Getafe dhe Almeria.
Java e 37-të
Almeria – Valladolid 0-0
Ath Bilbao – Elche 0-1
Atl. Madrid – Real Sociedad 2-1
Barcelona – Mallorca 3-0
Cadiz CF – Celta Vigo 1-0
Getafe – Osasuna 2-1
Girona – Betis 1-2
Rayo Vallecano – Villarreal 2-1
Valencia – Espanyol 2-2