Bashkimi Evropian ka vendosur sanksione ndaj tre gjeneralëve iranianë dhe një prodhuesi armësh të akuzuar për furnizimin me drone kamikazë iranianë në Rusi, që janë përdorur në valën e fundit të sulmeve ajrore ndaj objektivave civilë dhe të infrastrukturës ukrainase.
“Pas 3 ditësh bisedime, ambasadorët e BE-së ranë dakord për masat kundër subjekteve që furnizojnë dronët iranianë që goditën Ukrainën. BE është gjithashtu e përgatitur të zgjerojë sanksionet ndaj katër subjekteve të tjera iraniane që tashmë janë paraqitur në një listë sanksionesh të mëparshme.” thuhet në deklaratë, raporton aljazeera.
Emrat e prodhuesit iranian të dronëve “Shahed Aviation Industries” dhe tre zyrtarëve të lartë ushtarakë iranianë u publikuan në revistën zyrtare të BE-së, duke i shtuar ata në listën e zezë të sanksioneve.
Mësohet se sanksione janë vënë ndaj, gjeneral major Mohammed Hossein Bagheri, shefi aktual i shtabit të forcave të armatosura të Iranit, oficeri i logjistikës gjeneral Sayed Hojatollah Qureishi dhe gjeneral brigade Saeed Aghajani, komandanti i programit të dronëve të Gardës Revolucionare.
Ukraina ka akuzuar Rusinë për përdorimin e dronëve “kamikaze” të prodhuar nga Irani në sulmet ndaj qyteteve dhe infrastrukturës energjetike në javët e fundit.
o.j/dita
