Gazetari shqiptar në Athinë Artur Bibe, thotë se ministria e jashtme greke ka ulur tashmë tensionet disi në raport me ditët e para të arrestimit të Fredi Belerit.
Bibe tha se ditën që zyrtarë grekë vizituan Belerin në burg, atyre iu treguan me video, provat e akuzave të ngritura ndaj Belerit.
Sipas gazetarit, Beleri është përdorur nga qeveria greke, edhe për të fituar disa vota në zgjedhje.
“Beleri është bërë mish i grirë i qoftes së sërvirur në dy anët e kufirit. Është përdorur rasti i tij në mënyrën më ekstreme. Situata e Belerit u përdor edhe për të fituar vota. Thuhet se Dendiasit i janë treguar disa video prandaj edhe janë ulur tonet. Diplomatëve grekë i janë treguar informacione dhe video për akuzat e ngritura ndaj Belerit. Reagimi pas vendimit të gjykatës kundër Korrupsionit, ishte me tone më të buta dhe krah drejtësisë”, tha gazetari Artur Bibe.
m.b/dita
