Një 41 vjeçar shqiptar është shpallur i pafajshëm nga një gjykatë në Itali, pasi bëri 15 vite burg.
Ai u u arrestua në shtator të vitit 2008 nga Guardia di Finanza, i akuzuar për përfshirje në trafikun e drogës.
Bashkë me të u arrestuan edhe tre bashkëatdhetarë të tjerë për trafik droge.
Ai u akuzua se kishte transportuar 12 kilogramë kokainë me ndihmën e një shqiptari tjetër, akuzë e cila doli e pavërtetë vetëm pas hetimeve të 15 viteve pas.
Gjatë procesit për pafajësinë avokati mbrojtës Giuliano Renzi faktoi se kontaktet e klientit të tij me korrierin kufizoheshin në disa telefonata dhe se i pandehuri thjesht kishte rastisur të kalonte rrugës në momentin e arrestimeve.
U provua se i dënuari pa faj kishte patur kontakte të rralla me anëtarin e tretë të grupit me të cilin takohej herë pas here për të shkuar në disko.
Në fund të paraqitjes së provave gjyqtarët e Bordit të Gjykatës së Riminit e shpallën të pafajshëm 41-vjeçarin, duke i hapur rrugë kërkesës së dëmshpërblimit për 15 vite burg të gabuar.
